00:00 24 ноября 2012 г.
Ăна йĕркелекенĕсем: Чăваш патшалăх ял хуçалăх академийĕпе «Ял çамрăкĕсен Раççей союзĕ» Пĕтĕм çĕршыври çамрăксен обществăлла организацийĕн Чăваш Енри уйрăмĕ.
Конкурса республикăри вăтам шкулсенчи 10-11-мĕш классенче вĕренекенсем хутшăнма пултараççĕ.
Конкурс йĕркелÿçисем çамрăксем хушшинче тăван ене юратакансене, хушма хуçалăха аталантарма тăрăшакансене, тăван çĕре хисеплеме ăнтăлакансене, ăна упрама, çĕр ĕçченĕн профессине хаклама хатĕррисене тупса палăртас тĕллевпе пуçарнă çак ăмăртăва. Шкулсенче хушма хуçалăхсем сарас, ачасенче ял хуçалăх профессийĕсене хисеплеме вĕрентес тĕллев те малта пулмалла.
Конкурса хутшăнакансем 15 слайдран сахал мар Power Point программăпа презентацисем хатĕрлемелле. Конкурсантсем хăйсен ĕçĕсенче хушма хуçалăх пирки вăл ял аталанăвĕнче мĕнле усă пани çинчен, ашшĕ-амăшĕ яла мĕнле юратма вĕрентнине çутатмалла.
Ĕçсене академие конкурс йĕркелÿ комитетне адреспа паян-ыранах ярса памалла: 428003, г.Чебоксары, ул.К.Маркса, д.29, с пометкой «Моя любимая домашняя ферма» е abiturient21@yandex.ru электрон адрес çине ямалла. Конкурса декабрĕн 8-мĕшĕнче пĕтĕмлетеççĕ.
Çĕнтерÿçĕсене Дипломсемпе призсем парса хавхалантараççĕ. Конкурса хутшăнакансене Грамотăсем кĕтеççĕ.