00:00 17 ноября 2012 г.
Ноябрĕн 10-20-мĕшĕсенче Вăрмар районĕнче «Ачасем тата çемье» республика шайĕнчи акци иртет. Ăна Пĕтĕм тĕнчери ача кунне халалланă. Акци тĕллевĕ - ăнăçсăр çемьесене вăхăтра тупса палăртасси, ачасене тискер пулăмсенчен, тăлăха юлассинчен сыхласа хăварас ĕçе организацилессине вăйлатасси.
Çапла ноябрĕн 15-мĕшĕнче район администрацийĕн опекăпа попечительство органĕсен специалисчĕсем Н.Борисова, Е.Казакова, Кавал ял тăрăхĕн пуçлăхĕ Н.Алексеева, административлă законодательствăна усă курассипе ĕçлекен инспектор М.Федоров Кавал ял тăрăхĕнче пурăнакан ăнăçсăр çемьесене çитсе курнă. Рейд вăхăтĕнче ушкăн членĕсем çул çитмен 11 ача пурăнакан 3 çемьере профилактика ĕçĕсем ирттернĕ. Мероприятие пĕтĕмлетсе административлă йĕркене пăснă пирки 1 протокол çырнă, пĕр çемьери ашшĕ-амăшне çул çитмен ачасем йĕркене пăсассине хирĕç ĕçлекен профилактика комиссин черетлĕ ларăвне чĕннĕ.