00:00 09 ноября 2012 г.
ЧР Министрсен Кабинечĕ «Универсаллă электрон картти çинчен» саккун проектне ырланă.
Картăсене 2013 çулхи январĕн пĕрремĕшĕнчен пуçласа пама планланă, 2014 çултан вара картăпа усă курма хирĕçлесе заявлени çырманнисене пурне те. ЧР информаци политикипе массăллă коммуникаци хатĕрĕсен министрĕ В.Андреева каланă тăрăх çак карттăпа усă курасси федераци саккунĕн никĕсĕ çинче пурнăçланать. Карта уйрăм çынна ĕнентерекен документран, медицина страхлав полисĕнчен, пенси страхлавĕн свидетельствинчен, банкăн тÿлев карттинчен тăрать. Вăл банк картти пысăкĕшех, анчах унăн суя карта тăвассинчен асăрханмалли хÿтлĕх шайĕ пысăкрах. Микрочип вара çыннăн даннăйĕсене тата электрон приложенийĕсене упрать. Граждансенчен социаллă картăсене илмелли заявленисене йышăнмалли 74 ĕç вырăнĕ йĕркеленĕ.Карта патшалăх тата муниципалитетăн пулăшу ĕçĕсене пурнăçлама пулăшать, унпа ЖКХпа татăлма, çыхăнушăн тÿлеме, лавккара тавар, билет туянма пулать.