00:00 24 октября 2012 г.
Часах вулакансем Чăваш Ен спорт энциклопедийĕн иккĕмĕш, хушса тÿрлетнĕ кăларăмне алла илĕç. Энциклопедин пĕрремĕш кăларăмĕ 2001 çулта тухнă. Унтанпа вара Чăваш Енре те, кунтан тухнă, халĕ урăх регионсенче спортра пысăк çитĕнÿсем тунă ентешсен йышĕ сахал мар ÿснĕ. Спорт картлашкипе те çулсерен чылайăшĕ çÿлтен çÿле хăпараççĕ. Акă, енчен те пĕрремĕш кăларăмра пирĕн ентеш Вера Андреева (Çĕнĕ Шулхан) юниорка çеç пулнă пулсан, вăл çак хушăра маунтинбайк енĕпе Олимпиадăна та хутшăннă. Энциклопедин çĕнĕ паттăрĕ - Лондонри Олимпиадăн бронза призерĕ, Карăкçырма ялĕнче çуралса ÿснĕ Татьяна Архипова. Çĕнĕлĕхсем нумай, çавăнпа та кĕнекене ăшшăн кĕтсе илĕр.