Новости » «Чăваш Ен - тăлăхсемсĕр!»

00:00 24 октября 2012 г.

Çапла ят панă республикăра иртнĕ автокараванăн виççĕмĕш тапхăрне. Ăна «Шупашкар-Вăрмар-Чулкас-Тăвай-Шупашкар» маршрутпа йĕркеленĕ. ЧР Вĕренÿ министерствин психологи-педагогика реабилитацийĕпе коррекцийĕн центрĕн ĕçченĕсем Вăрмар тата Тăвай районĕсенчи усрава илнĕ çемьесемпе, вĕрентекенсемпе, район администрацийĕн специалисчĕсемпе тĕл пулнă. Çавăн пекех вĕсем Вăрмарти Павловсен çемйинче пулса курнă, тăлăх тата ашшĕ-амăшĕн хÿттисĕр юлнă ачасемпе «Эпир пĕрле!» психологи тренингĕ ирттернĕ. Усрава илнĕ çемьесене тата вĕсен ачисене пулăшмалли майсем пирки калаçнă, юлашкинчен уйрăм çынсене харпăр хăй ыйтăвĕсемпе йышăннă.