00:00 10 октября 2012 г.
Раççей Пенси фончĕ кăçал Чăваш Республикин Социаллă программине 7 миллион тенке яхăн укçа куçарнă. Çак шутран 660 пин тенкине ватлăхпа тата инвалида тухнипе пенси илекен ĕçлемен пенсионерсене уйрăммăн пулăшнă çĕре яма пăхнă.
3,5 миллион тенке яхăн укçа социаллă пулăшупа тивĕçтерекен 3 учреждение тĕпрен юсаса çĕнетме кайĕ. 2,7 миллион тенке вара ватă çынсене медицинăпа социаллă пулăшу кÿрекен бригадăсем валли автомобиль туяннă çĕре яма палăртнă.
Раççей Пенси фончĕ 2000 çултанпах республикăри социаллă программăсене укçа-тенкĕпе тивĕçтерсе тăрать. Ку таранччен Чăваш Ене 234 млн тенкĕ ытла укçа куçарнă, вăл шутран 74 млн тенкĕ - ĕçлемен пенсионерсене пулăшу пама, 160 млн тенкĕ - халăха социаллă пулăшупа учрежденисене юсама тата пурлăхне çирĕплетме.