00:00 15 августа 2012 г.
Чăваш Енри наркоконтроль управленийĕн следстви пайĕ суда черетлĕ уголовлă ĕç çитернĕ.
22 тата 25 çулхи икĕ каччă пĕрре мар Китайран туртмалли хутăшсем кÿрсе килнĕ тата салатнă. Вĕсем каласа панă тăрăх, ушкăна Мускавра пурăнакан 4 çын ертсе пынă. ЧР наркоконтроль ĕçченĕсем 20 регионта оперативлă шырав мероприятийĕ ирттернĕ хыççăн вĕсен йĕрĕ çине ÿкнĕ. Хайхисем наркотик хутăшĕсем чылайранпа сарса пурăнни палăрнă. Саккунпа хирĕçле ĕçе Интернет пулăшнипе тата почта урлă йĕркелесе пынă çамрăксем.
Преступниксене (ертÿçипе унăн мăшăрне тата тепĕр 6 çынна) арестленĕ, 2,5 килограмм наркотик туртса илнĕ.