00:00 15 августа 2012 г.
Физкультурник кунĕ умĕн поселокри тĕп стадионта бюджет учрежденийĕсене, хула, ял тăрăхĕн администрацийĕсенче ĕçлекенсем тĕрлĕ енлĕ ăмăртусем ирттерчĕç: пневматикăлла пăшалтан печĕç, велосипедпа 800 метра ăмăртрĕç, 400 метра чупрĕç. Ăмăртăва хутшăнакансене район администрацийĕн пуçлăхĕ К.Никитин саламласа çитĕнÿсем тума суннă.
Хула, ял тăрăхĕсен администрацийĕсен командисем хушшинче пĕрремĕш вырăна Энĕшпуçсем тухнă, иккĕмĕшĕнче - Кавалсем, Вăрмар хула тăрăхĕ виççĕмĕш вырăнта. Учрежденисемпе предприятисем, организацисем хушшинче район администрацийĕн команди пĕрремĕш вырăн йышăннă, РФ Пенси фончĕн районти управленийĕ - иккĕмĕш, районти Культура çурчĕн спортсменĕсем - виççĕмĕш.