00:00 18 июля 2012 г.
Условисене кура ĕç вырăнĕсене аттестацилесси малалла пырать.
Кăçалхи çур çулта 15464 ĕç вырăнне тĕрĕсленĕ. Унта 19271 çын (вĕсенчен 10359-ĕшĕ - хĕрарăм) вăй хурать. Экспертсем çакнашкал пĕтĕмлетÿ тунă: 8259 ĕç вырăнĕнчи условисем сывлăха усал витĕм кÿмеççĕ, ытти çĕрте тăрăшни - организмшăн сиенлĕ. 7744 ĕç вырăнĕнче суранланас хăрушлăх пысăк. 1565 çынна ĕç хатĕрĕсемпе тивĕçтермен.
Чăваш Республикинчи патшалăх ĕç инспекцийĕ тĕрĕслев вăхăтĕнче 80 предприятире аттестаци йĕркине пăснине тупса палăртнă. Яваплă 82 çынна 270,9 пин тенкĕ штраф (вăтам виçе - 3303 тенкĕ) тÿлеттернĕ.