00:00 14 июля 2012 г.
Раççей Правительствин ларăвĕнче Правительство Председателĕ Д.Медведев сусăрсене ĕçе вырнаçтарас тĕлĕшпе ятарлă программа пирки сăмах хускатнă.
- Сусăрсене ĕçе вырнаçтарасси чылай регионта ăнăçлă пурнăçланать. Вĕсем - Архангельск, Чулхула, Тамбов... облаçĕсем, Удмурт тата Чăваш Республикисем. Çак регионсенче сусăрсен виççĕмĕш пайĕ, тепĕр чухне 60 проценчĕ те ĕçе вырнаçать. Инвалидсем валли ятарлă вырăнсем хатĕрлес, вĕсене вĕрентме уйрăм условисем туса парас программăна малашне те аталантармалла, - тенĕ Дмитрий Анатольевич.
Чăваш Енре ку ыйтăва республика Пуçлăхĕ хăй тимлесе тăрать. Пĕлтĕр ку тĕлĕшпе ятарлă саккун та йышăннă. Квотăланă 2360 вырăнтан 1859-шне йышăннă ĕнтĕ. Кăçал кăна çулталăк пуçланнăранпа республикăри тĕрлĕ организацие 674 сусăр вырнаçнă.