00:00 11 июля 2012 г.
Пĕтĕм Раççейри çуллахи IX ял спорт вăййисем июлĕн 13-18-мĕшĕсенче Чăваш Республикин тĕп хулинче Шупашкарта иртĕç. Унта Раççейĕн 60 регионĕнчен командăсем килĕç, пĕтĕмпе 3 пин ытла спортсмен тупăшĕ.
Ăмăртăва Шупашкарта июлĕн 14-мĕшĕнче 20 сехетре «Олимпийский» стадионта савăнăçлă лару-тăрура уçĕç. Спортăн 17 енĕпе ăмăртусен тĕп пайĕ Шупашкарти «Олимпийский», «Энергия», «Спартак» спорт стадионĕсенче, çавăн пекех Çĕнĕ Шупашкар хулипе Кÿкеç поселокĕнче иртĕç. Вăйлисем хăйсен вăйне çак пĕлтерĕшлĕ ăмăртура кăтартса парĕç.