00:00 07 июля 2012 г.
Июнĕн 30-мĕшĕнче Мускаври «Измайлово кремлĕ» культурăпа кану центрĕнче Чăваш акатуйĕ иртнĕ. Кăçал ăна Республика кунне, А.Николаев космоса вĕçсе хăпарнăранпа - 50, Н.Бичурин çуралнăранпа 235 çул çитнине халалланă.
Федерацин чăваш наци культура автономийĕн вице-президенчĕ Валерий Шакин Акатуй ялавне хăпартнă хыççăн уява килнисене ЧР Министрсен Кабинечĕн Председателĕн çумĕ - Республика Пуçлăхĕн Администрацийĕн ертÿçи А.Иванов, Чăваш Республикин РФ Президенчĕ çумĕнчи полномочиллĕ представителĕ Л.Волков, Мускаври чăваш наци культура автономийĕн ертÿçи А.Григорьев, РФ Патшалăх Думин депутачĕ А.Аксаков, А.Николаев космонавтăн хĕрĕ Е.Терешкова, С.Садальский киноактер саламланă.