00:00 23 июня 2012 г.
РФ Президенчĕн 2008 çулхи майăн 7-мĕшĕнче «Тăван çĕршывăн 1941-1945 çулсенчи Аслă вăрçин ветеранĕсене пурăнмалли çурт-йĕрпе тивĕçтересси çинчен» кăларнă 714-мĕш указĕпе килĕшÿллĕн республикăна федерацин хушма 425,3 млн тенкĕ укçи килнĕ.
Вырăнти хăй тытăмлăх органĕсенче çурт-йĕр кирлисен шутĕнче тăракан 420 ветеран пÿрт тума (туянма) укçа илĕ. Ветерансене çурт-йĕрпе тивĕçтермешкĕн хушма укçа уйăрассине федераци бюджетне кĕртнĕ улшăнусенче палăртнă.
2010 çултанпа вăрçă ветеранĕсене çурт-йĕрпе тивĕçтерме Чăваш Ен бюджетне пĕтĕмпе 3,919 млрд тенкĕ килнĕ. Çав укçапа 4241 ветеран, вăрçа хутшăннă, çĕре кĕнĕ паттăрсен çемйисен членĕсем пурăнмалли условисене лайăхлатнă. Кăçал çак тĕллевпе Чăваш Ене федераци бюджетĕнчен 685,2 млн тенкĕ панă.