00:00 09 июня 2012 г.
2012 çулхи 5 уйăх хушшинче Вăрмар район администрацийĕн ЗАГС пайĕнче граждансемпе çыхăннă 329 акт регистрациленĕ. Çак вăхăт хушшинче районта 87 ача çуралнă – çут тĕнчене 44 арçын ача, 43 хĕр ача килнĕ. Вĕсен шутĕнче икĕ йĕкĕреш ачасем çуралнă. Пĕрисен çемйинче 8-мĕш ача çуралнă. Статистика çемьесенче иккĕмĕш е ун хыççăн çуралакан ачасен йышĕ пĕрремĕш çуралакан ачасенчен ытларах пулнине кăтартать. Ашшĕ-амăшĕсем ачисене ытларах Артемий, Даниил, Андрей, Виктория, Анастасия, Анна ятсем параççĕ. Ашшĕ пулнине çирĕплетсе 22 акт регистрациленĕ. Кăçалхи 5 уйăх хушшинче 34 çĕнĕ çемье чăмăртаннă. Çав вăхăтрах 24 мăшăр саланса кайнă. Саланса кайнă 21 çемьере çул çитмен 30 ача çитĕнет.
154 çын вилнĕ, вĕсенчен 72-шĕ арçынсем, 82-шĕ хĕрарăмсем.