00:00 06 июня 2012 г.
РФ Президенчĕ, Правительство Председателĕ, Чăваш Ен пуçлăхĕ нанотехнологи тытăмне çине тăрсах аталантармаллине пĕрре çеç мар палăртнă.
Шупашкарта Наци библиотекинче федерацин тата республикăн тĕллевлĕ программисемпе пурнăçланакан хăш-пĕр нанопроект ĕçĕсен куравĕ ĕçлеме пуçларĕ. Ăна уçма республика Пуçлăхĕ М.Игнатьев хутшăнчĕ. «Нанотехнологисен эрни» регион проектне иккĕмĕш çул ирттереççĕ. Вăл шкул ачисен, студентсен, технологисен аталанăвĕпе кăсăкланакансен хушшинче пысăк сумлă. Куравра наноматериалсемпе, энерги перекетлекен мал курăмлă технологисемпе, нанотĕнчене сăнама май паракан тĕрлĕ хатĕрпе паллашма май пур. Экспозицие çамрăк художниксем нанотехнологи компанийĕсен продукчĕсемпе усă курса хатĕрленĕ арт-объектсене кĕртнĕ.