00:00 06 июня 2012 г.
Раççей Президенчĕн майăн 7-мĕшĕнче кăларнă указĕпе килĕшÿллĕн Тăван çĕршывăн Аслă вăрçинче çĕнтернĕренпе 67 çул çитнине халалласа ветерансене хушма укçа параççĕ. Ăна июнь уйăхĕнчи пенсипе пĕрле парĕç. Вăл шутра: Тăван çĕршывăн Аслă вăрçин инваличĕсене - 5000 тенкĕ. Тăван çĕршывăн Аслă вăрçин участникĕсене, çавăн пекех вăрçă тапхăрĕнче ултă уйăхран кая мар службăра тăнă, вăрçă участникĕсемпе пĕр шая лартнă, Китай, Çурçĕр Корея, Венгри, Дамански утрав, Жаланшколь кÿлли тăрăхĕнчи çапăçусене хутшăннă çынсене - 5000 тенкĕ. «Ленинград блокадине чăтса ирттернĕ» паллăна тивĕçнисене - 5000 тенкĕ. Тăван çĕршывăн Аслă вăрçи вăхăтĕнче çул çитмесĕрех концлагерьсемпе гетто тата çакнашкал ытти тĕрмере ларнисене - 5000 тенкĕ.
Тăван çĕршывăн Аслă вăрçинче, Финлянди тата Япони вăрçисенче çапăçса вилнисен тăлăха юлнă мăшăрĕсене - 5000 тенкĕ.
Тăван çĕршывăн Аслă вăрçин инваличĕсен тăлăха юлнă мăшăрĕсене - 5000 тенкĕ. Тăван çĕршывăн Аслă вăрçин участникĕсен тăлăха юлнă мăшăрĕсене - 5000 тенкĕ.
Тыл ĕçченĕсене: 1941 çулхи июнĕн 22-мĕшĕнчен пуçласа 1945 çулхи майăн 9-мĕшĕчченхи тапхăрта 6 уйăхран кая мар ĕçленисене (СССРăн вăхăтлăха оккупациленĕ территорийĕсенче ĕçленине шутламасăр) тата Тăван çĕршывăн Аслă вăрçи вăхăтĕнче хастар ĕçленĕшĕн СССР орденĕсене тата медалĕсене тивĕçнисене - 1000-шер тенкĕ. Нацистсен концлагерĕсем, тĕрмисемпе геттосем витĕр тухнă, вăл вăхăтра çул çитнĕ çамрăк пулнисене - 1000 тенкĕ.