Новости » Фабрика çĕнĕрен чĕрĕлет

00:00 02 июня 2012 г.

Н.Курбатов купсапа çĕр управçин пуçлăхĕ В.Белькович 1901-1904 çулсенче Вăрмар тăрăхĕнче йĕркелесе янă сĕтел-пукан фабрики хăй вăхăтĕнче Раççейре кăна мар, ют çĕршывра та чи паллисенчен пĕри пулнă. 2004 çулта панкрута тухнă хыççăн ăна çĕнĕрен ура çине тăма çăмăлах пулмарĕ. Халĕ кунта Чулхулари «ДОКРОС» предприяти алăксем кăларассипе ĕçлет. Çитес вăхăтра вара Европа шайĕнчи чÿречесем тума планлаççĕ. Кунти производство енĕпе ĕçлекен пуçлăхĕн заместителĕ Д.Саховский каланă тăрăх, хальхи вăхăтра фабрикăн тĕп цехне юсас ĕç пырать. Çитес вăхăтра кунта ĕç вĕреме тытăнĕ. Çавна май вырăнти халăх валли тепĕр 30 ĕç вырăнĕ йĕркеленĕ. Пĕтĕмĕшле каласан кунта 125 çын тăрăшса вăй хума тытăнĕ.