00:00 23 мая 2012 г.
Майăн 16-мĕшĕнче çамрăк армеецсен «Зарница» тата «Орленок» вăййисен шучĕпе «Илем» физкультурăпа спорт комплексĕнче районти шкулсенче вĕренекенсем хушшинче шывра ишсе мала тухас енĕпе эстафета иртнĕ.
Ăмăртăва 18 команда хутшăннă, кашнинче 5 спортсмен - 2 хĕр ача тата 3 арçын ача.
«Зарница» ушкăнĕнче ăмăртусем хушшинче 1-мĕш вырăна Кĕтеснер, 2-3-мĕш вырăнсене Пысăк Енккассипе Пинер шкулĕн командисем тивĕçнĕ. «Орленок» ушкăнра Вăрмарти пĕрремĕш вăтам шкул команди 1-мĕш, 2-3-мĕш вырăнсенче Пысăкенккассисемпе Мăнçырмасем пулнă.
Майăн 22-23-мĕшĕсенче ачасен сывлăхне çирĕплетекен «Романтика» лагерьте çамрăк армеецсен «Зарница» тата «Орленок» вăййисем пыраççĕ. Унта районти шкулсенче вĕренекен яшсемпе хĕрсем çарпа патриотизмпа çыхăннă ăсталăха туптĕç, тĕрлĕ ăмăртусенче, ăс-тăн конкурсĕсенче мĕн пултарнине кăтартса парĕç.