00:00 04 мая 2012 г.
Апрелĕн 24-30-мĕшĕсенче Раççей Почти республикăри вăрçă ветеранĕсем патне РФ Президенчĕн Аслă Çĕнтерÿ тунăранпа 67 çул çитнĕ ятпа янă саламлă çырăвĕсене çитернĕ. Республикăна пĕтĕмпе 37950 (пĕлтĕр - 42663), района 958 çыру çитнĕ, 955-шне салатнă.
Çĕнтерÿ кунĕ умĕн ветерансем почтальонсен аллисенчен Президент саламне илнисĕр пуçне Раççей гражданĕсем чĕререн саламласа çырнă открыткăсем илме пултарĕç.
Раççей Почти «Ентешсен тавĕ» акци ирттернĕ май кашни çынах уяв саламĕсем çырма тата вĕсене ветерансем патне çитерме май туса парать.