00:00 28 апреля 2012 г.
ЧР Министрсен Кабинечĕн Председателĕ И.Моторин Тăван çĕршывăн Аслă вăрçинче çĕнтернĕренпе 67 çул çитнине уявлама хатĕрленессипе туса хунă комитет ларăвне ирттернĕ. Уяв мероприятийĕсем йĕркелес, ветерансене медицина енĕпе тивĕçтерес, вĕсен хваттерĕсене юсас, çамрăксене Тăван çĕршыва юратма хăнăхтарса ÿстерес ыйтусене пăхса тухнă.
Чăваш Енре Тăван çĕршывăн Аслă вăрçине хутшăннисем тата инвалидсем 3 пин ытла, тыл ĕçченĕсем, Тăван çĕршывăн Аслă вăрçинче пуç хунисен, унтан таврăнсан вилнисен тăлăх арăмĕсем 35 пин, фашизм пусмăрне çул çитмесĕрех тÿснисем 109-ăн.
Ветерансене медицина енĕпе тивĕçтерес ыйтусене ЧР Правительстви тĕрĕслесе тăрать. Поликлиникăсенче тата килте кашни çулах тухтăрсем пур енлĕн тĕрĕслеççĕ, социаллă пулăшу тата сывлăх сыхлав учрежденийĕсенче «Уçă алăксен» вунă кунлăхĕсене ирттереççĕ. Апрелĕн 15-мĕшĕнчен пуçласа майăн 15-мĕшĕччен республикăн сывлăх сыхлав учрежденийĕсенче Тăван çĕршывăн Аслă вăрçине хутшăннисемпе вăрçă инваличĕсен диспансеризацине йĕркелеççĕ.