00:00 28 апреля 2012 г.
Республика Пуçлăхĕ М.Игнатьев Раççей Патшалăх Канашĕн анлă ларăвне хутшăннă, ăна Кремльти Георгий залĕнче çĕршыв Президенчĕ Д.Медведев ирттернĕ.
Ларăва Раççейĕн мĕн пур регионĕн ертÿçисене, Правительство членĕсене, партисен лидерĕсене, депутатсене, сенаторсене, общество ĕçченĕсене тата бизнес представителĕсене чĕннĕ. Патшалăх Пуçлăхĕ хăйĕн Президент должноçĕнчи тăватă çулхи ĕçне пĕтĕмлетнĕ, çывăх вăхăтра пурнăçламалли тĕп тĕллевсене палăртнă.
Президент Федераци влаçĕсем обществăпа пĕрле çĕршывăн пенси тытăмĕ малашне мĕнле аталанассине палăртасси çинче чарăнса тăнă. Ĕçсĕрлĕхпе тата инфляципе кĕрешесси, налук ыйтăвĕсем çине пайăррăн пусăм тунă.
Çынсен пурнăçĕн тăршшĕне Д.Медведев влаç органĕсен ĕçĕн ăнăçлăхне хакламалли тĕп критери тесе палăртнă.