00:00 07 апреля 2012 г.
Кăçалхи мартăн 19-мĕшĕнчен пуçласа апрелĕн 19-мĕшĕччен районти пĕтĕмĕшле пĕлÿ паракан шкулсенчи 10-11 классенче вĕренекенсемпе Раççей историйĕн çулталăкне халалласа «Мĕн-ши вăл Тăван çĕршыв?» ятпа творчествăлла ĕçсен конкурсĕ иртет. Хутшăнакансен хăйсен ĕçĕсене чăвашла çырса памалла. Асăннă конкурсăн тĕп тĕллевĕ - наци историне тĕпчесси, вĕрентекен профессине çÿллĕ шая çĕклесси, тăван чĕлхене хаклама, ăна упрама вĕрентесси. Конкурса тăратнă творчествăлла ĕçсене Чăваш патшалăх педагогика университетне ярса памалла. Унăн адресĕ: 428000, Шупашкар хули, Президент бульварĕ, 19 а çурт, «На конкурс творческих работ «Мĕн-ши вăл Тăван çĕршыв?» - «С чего начинается Родина?» е электронлă майпа e-mail: dekanat–fchf@mailĕru
Творчествăлла ĕçсене пĕтĕмлетÿ тунă хыççăн конкурса хутшăннисене Чăваш патшалăх педагогика университетне Чăваш чĕлхин кунне халалланă уява (вăл кăçалхи апрелĕн 26-мĕшĕнче иртĕ) чĕнеççĕ.