00:00 04 апреля 2012 г.
2012 çулхи февралĕн 21-мĕшĕнче йышăннă «Ачасем пур çемьесене патшалăх пулăшăвĕ парассин хушма мерисем çинчен» Чăваш Республикин 1 номерлĕ саккунĕпе килĕшÿллĕн иртнĕ кунсенче пирĕн районта нумай ачаллă 8 çемье çĕр пин тенкĕ тăракан амăшĕн капиталне илчĕ. Район администрацийĕн пуçлăхĕн заместителĕ А.Тихонов, районти халăха социаллă хÿтлĕх паракан пайĕн начальникĕ В.Иванов чаплă лару-тăрура амăшĕн капиталĕн сертификатне пачĕç. Ăна Т.Сидорова (Чулкас ялĕ), С.Голубева, М.Федорова (Вăрмар поселокĕ), С.Иванова (Кивĕ Вĕренер ялĕ), И.Камышева (Ямпай ялĕ), В.Александрова (Энĕшпуç ялĕ), О.Максимова (Урнар ялĕ), Н.Петрова (Хĕрлĕçыр ялĕ) тивĕçрĕç.