00:00 04 апреля 2012 г.
Шăхаль ялĕ Вăрмар районĕпе Тутарстан чиккинче вырнаçнă. Тĕрлĕ халăхсем пурăнакан вырăнта пултаруллă та хитре хĕрсем çуралса ÿсни пĕрре те вăрттăнлăх мар. Çавăнпах пулĕ Шупашкарти электромеханика колледжĕнче вĕренекен, Шăхаль ялĕнче çуралса ÿснĕ Людмила Григорьева Атăлçи тăрăхĕнче ирттернĕ «2012 çулхи студентка» конкурсра пĕрремĕш вырăн йышăннă. Конкурса Хусан, Ульяновск, Саранск, Йошкар-Ола хулинчи хÿхĕм хĕрсем хутшăннă. Шăхальтен тухнă чăваш пики хăйĕн хитрелĕхĕпе те, пултарулăхĕпе те, сцена çинче хăйне тытма пĕлнипе те жюри членĕсене парăнтарса «Мисс колледж», «Çуркунне миссисĕ» ятсене тивĕçнĕ.