00:00 04 апреля 2012 г.
Шупашкарти «Вăрмарсен ентешлĕхĕ», Вăрмар райадминистрацин вĕрентÿпе çамрăксен политикин пайĕ, Чăваш Республикинчи шалти ĕçсен пайĕ тата шалти çарсен ветеранĕсен обществăлла организацийĕ, «Хĕрлĕ ялав» хаçат редакцийĕ Вăрмар районне йĕркеленĕренпе - 85, Чăваш Республикин пушар хуралĕ 80 çул çитнине халалласа ачасем хушшинче конкурс ирттерет.
Унăн тĕп тĕллевĕ - ÿссе çитĕнекен ăрăва патриотизмла воспитани парасси, полицире, пушар хуралĕнче ĕçлекенсен профессине пропагандăласси.
Конкурс 2012 çулхи майăн 1-мĕшĕччен иртет. Пур çамрăка та районти йĕрке хуралĕн ĕçченĕсемпе çыхăннă хăйсен статйисене, тĕрленчĕкĕсене, калавĕсене, хайлавĕсене, ÿкерчĕксене тата ытти тĕрлĕ ал ĕçĕсене (тĕрĕ, панно) çак адреспа ярса пама ыйтатпăр: 429400, Вăрмар поселокĕ, Чапаев урамĕ, 2-мĕш çурт, райадминистрацин вĕрентÿпе çамрăксен политикин пайĕ, тел.: 2-15-41.
Конкурс ĕçне комисси 2012 çулхи майăн 15-мĕшĕ тĕлне пĕтĕмлетет. Йышпа хатĕрленĕ ĕçсемпе пĕрремĕш вырăна тухнисем 1200, иккĕмĕш, виççĕмĕш вырăн йышăнакансем 800 тата 500 тенкĕне тивĕçĕç. Уйрăм ĕçпе палăрнисем пĕрремĕш вырăншăн 1000, иккĕмĕш вырăншăн 600, виççĕмĕшшĕн 400 тенкĕ илĕç. Çавăн пекех 100-шер тенкĕлĕх 10 парне пулĕ.