Новости » Универсиадăна хатĕрленсе

00:00 31 марта 2012 г.

Пилĕкрен пиçиххи çыхса кĕрешесси (борьба на поясах) - авалхи спорт енĕсенчен пĕри. Авалхи Элладăра пирĕн эрăчченхи 7-8 çулта ирттерме пуçланă Олимп вăййисенче кĕрешекенсем шăпах пилĕк урлă янă пир ал шăллине тата сарлака пиçиххине икĕ алăпа ярса тытса тупăшнă.

Çак кунсенче Шупашкарта 20 çултан кĕçĕнрех каччăсемпе хĕрсен чемпионачĕ иртнĕ. В.И.Чапаев ячĕллĕ производство пĕрлешĕвĕн Спорт çурчĕн кавирĕ çине çĕршывăн вун тăхăр регионĕнчи 195 атлет тухнă. Пирĕн районти Чулкас ялĕнче çуралса ÿснĕ Ксения Миронова (халĕ вăл Çĕнĕ Шупашкарта вĕренет) 58 килограмлă виçере иккĕмĕш вырăн йышăннă.