00:00 21 марта 2012 г.
Хевтесĕр ачасене инçет вĕренÿ меслечĕпе тивĕçтерме юлашки виçĕ çулта 70 миллион тенке яхăн уйăрнă. Çак укçа-тенкĕпе ачасен килĕсенче, инçет вĕренĕве йĕркеленĕ шкулсенче специализациленĕ компьютер оборудованийĕ вырнаçтарма, ăна интернетпа çыхăнтарса пама тата унăн пулăшăвĕшĕн тÿлеме усă курнă. Паян республикăра сывлăх тĕлĕшĕнчен йывăрлăхсем пур 162 ача инçет вĕренÿ мелĕпе пĕлĕве ÿстерет. Вăрмар районĕнче хевтесĕр 7 ача вĕренет. Вĕсене Вăрмарти Г.Е.Егоров ячĕллĕ 1-мĕш вăтам шкулти, Кивĕ Вăрмарти вăтам, Тикашри, Урнарти, Чулкасри тĕп шкулсенчи учительсем уйрăм программăсем тăрăх инçет çыхăну формипе пĕлÿ параççĕ.