00:00 07 марта 2012 г.
Пĕлтĕр Чăваш Енри уйăхри вăтам ĕç укçи виçĕм çулхинчен 13,9 процент ÿссе 14775 тенкĕ те 20 пуса çитнĕ. Чăвашстат шалу уйрăмах декабрь уйăхĕнче пысăк ларнине палăртать - ун чухне вăл вăтамран 21,2 пинпе танлашнă.
Финанс тытăмĕнче ĕçлекенсен шалăвĕ уйрăмах аван тухать, республикăрипе танлаштарсан вĕсен шăп та лăп 2 хут пысăкрах. Çав вăхăтрах пир-авăр тата çĕвĕ производствинче тăрăшакансен - 45,9 процент, ял, вăрман тата сунар хуçалăхĕсенче - 42,8 процент. Кану, культурăпа спорт енĕпе тимлекенсен - 40,6 процент, хăна çурчĕпе ресторанта вăй хуракансен 38,6 процент пĕчĕкрех.