00:00 18 февраля 2012 г.
Район администрацийĕн ларусен залĕнче культура ĕçченĕсемпе иртнĕ канашлăва ЧР культура, национальноçсен ĕçĕсен, информаци политикин тата архив ĕçĕн министерствин пай начальникĕ М.Краснов, райадминистрацин организаципе контроль ĕçĕсен пайĕн начальникĕ Н.Павлов, райадминистрацин культура, спорт тата архив ĕçĕн пайĕн начальникĕ И.Дмитриева хутшăннă.
Ирина Николаевна 2011 çулхи ĕç-хĕле пĕтĕмлетнĕ, кăçал пурнăçламалли тĕллевсене палăртнă. Канашлура çавăн пекех районти культура учрежденийĕсенче вăй хуракансем тухса калаçнă. Пысăк Енккассинчи информаципе культура центрĕн директорĕ Н.Гаврилов халăх пултарулăх творчествине упраса хăвармалли тата ăна аталантарса пымалли çинче тĕплĕн чарăнса тăчĕ.Районти вĕренÿ учрежденийĕсемпе тачă çыхăнура ĕçлесе вулакансен йышне ÿстересси пирки ача-пăча библиотекин заведующиĕ Г.Петрушкова каларĕ. Çавăн пекех Президент стипендиачĕ М.Кузьмина культурăпа кану, çемье вулавĕн библиотекин ĕçĕ-хĕлĕпе Шăплатри ял клубĕн заведующийĕ С.Александрова, ачасен Вăрмарти искусство шкулĕн пурнăçĕпе унăн директорĕ Е.Ефимов паллаштарчĕç. Унсăр пуçне архив, тавра пĕлÿ, культурăпа кану ыйтăвĕсене пăхса тухрĕç.
Канашлăва М.Краснов пĕтĕмлетрĕ. 2011 çулхи ĕç кăтартăвĕсемпе килĕшÿллĕн Кĕтеснер ял библиотеки «Çулталăкри чи лайăх библиотека» ята çĕнсе илнине палăртрĕç, куçса çÿрекен кубок тата парнен парса чысларĕç.