00:00 04 февраля 2012 г.
Пĕтĕм Раççейри халăхăн икĕ çыравĕ хушшинчи 8 çулта Чăваш Енре пурăнакансен йышĕ 62 пин çын чакнă. Тĕпрен илсен - йыш хăй тĕллĕн пĕчĕкленнине кура. Çапах вилнисемпе çуралнисен шучĕ хушшинчи уйрăмлăх самаях сахалланнă. Амăшĕн капиталне тÿлеме пуçланине, ача çуратнă май паракан сертификат программине, перинаталь технологийĕсене аталантарнине пула юлашки пилĕк çул хушшинче иккĕмĕш тата виççĕмĕш ачасем çураласси икĕ хут ÿснĕ. Ача çуратассине ÿстерес тата амăшĕсене хăйсен ачисене ура çине тăратма пулăшас енĕпе çĕршыв, республика правительствисем тата мĕн тăваççĕ? 90-мĕш çулсенчи йышĕпе пĕчĕк ăру ача çуратмалли тапхăр çитнине кура социологсем пуласлăха мĕнле кураççĕ? Европăна ярса илекен «чайлд-фри» юхăма хирĕç мĕнле тăмалла?
Февралĕн 5-мĕшĕнче 19 сехет çурăра «Раççей 24» каналпа «В центре внимания» программăна пăхăр. Ку кăларăма демографин çивĕч ыйтăвĕсене халалланă.