00:00 04 февраля 2012 г.
Интернетра «Чувашия - за Путина!» сайт (http://чувашия-за-путина.рф/) ĕçлеме тытăннă. Ку вăл официаллă сайт мар, ăна Раççейĕн хальхи премьер-министрĕ В.В.Путин майлă çынсем, Чăваш Енре тата Раççейре пулса иртекен ĕçсемшĕн пăшăрханакан, унăн профессиллĕ тĕллевĕсемпе тата шухăшĕсемпе килĕшекен, Путина çĕршыври тĕп вырăна - Раççейĕн Президенчĕн вырăнне палăртнă кандидат пулнă май шанакан çынсем йĕркеленĕ.
Сайта В.Путин ĕçĕ-хĕлĕ çинчен халăхăн, политиксен, журналистсен шухăшĕсене кĕртнĕ. Кунтах Раççей юлашки çулсенче мĕнле аталанса пыни çинчен каласа паракан телефильмсем, çĕршыва суйлав темипе пулса иртекен хыпарсем, В.Путинăн статйисем тата вĕсем пирки чăваш тата Раççей пичетĕнче каланă шухăшсем вырнаçтарнă. Кăмăл тăвакансене пурне те В.Путин кандидат майлисен пĕрлĕхне кĕме сĕнетпĕр. Çакăн валли «Мы за Путина» рубрикăра хăвăрăн сăн ÿкерчĕке лартмалла, «Изменим Россию вместе!» рубрикăра çĕршывăн президент кандидатне наказсем çырмалла. Кăмăл тăвакансем çавăн пекех сайтра В.Путинăн Чăваш Енти обществăлла йышăну пÿлĕмĕн адресне тата телефонне тупма пултараççĕ.