00:00 04 февраля 2012 г.
Мартăн 4-мĕшĕнче Раççей Федерацийĕн Президенчĕн суйлавĕ иртет. Пурте пĕлетпĕр: кашни суйлавçă харпăр хăйшĕн çеç сасăлама пултарать. Урăх çыншăн сасăлама никамăн та ирĕк çук. Сасăламалли бюллетеньсене Сире суйлав участокĕсенче паспорт кăтартнă хыççăн кăна параççĕ.
Енчен те эсир 2012 çулхи мартăн 4-мĕшĕнче чирленине е урăх сăлтавсене пула хăвăрăн суйлав участокне çитейместĕр пулсан, Вăрмар территорийĕн суйлав комиссийĕнчен февралĕн 12-мĕшĕччен кашни кун ирхине 8 сехетрен пуçласа 17 сехетчен открепительнăй удостоверени килсе илме пултаратăр. Унăн адресĕ: Вăрмар поселокĕ, Мир урамĕ, 5 çурт, 104 кабинет. Ыйтса пĕлмелли телефонсем: 2-15-59, 2-13-62.