00:00 01 февраля 2012 г.
Чăваш Ен Пуçлăхĕ М.Игнатьев республикăри промышленноç предприятийĕсен ертÿçисемпе тĕл пулнă.
Михаил Васильевич палăртнă тăрăх - 2011 çул тĕп кăтартусемпе Чăваш Енре пурăнакансемшĕн ăнăçлă пулнă. Пысăк тата вăтам промышленноç предприятийĕсем регион макроэкономикине йĕркелеççĕ. «Предприятисенче вăй хуракансемпе, ял ĕçченĕсемпе курнăçнă май маншăн вĕсене тăван республикăн социаллă пурнăçĕпе экономика аталанăвне хывнă тÿпешĕн хавхалантарасси питĕ кăмăллă», - тенĕ республика Пуçлăхĕ.
М.Игнатьев 2012 çулăн пĕрремĕш çурринче Чăваш Енре пурăнмалли çурт-йĕрпе коммуналлă хуçалăхри пулăшу ĕçĕсен тарифĕсем ÿсмессине палăртнă. Тĕл пулура çавăн пекех çунтармалли-сĕрмелли материалсен хакĕсемпе, хаксен мониторингĕпе тата туса кăларакан эмелсен калăпăшĕпе çыхăннă ыйтусене сÿтсе явнă.