Новости » Николай Малов - политсовет секретарĕ

00:00 25 января 2012 г.

«Единая Россия» партин Чăваш регион политканашĕн секретарĕ Михаил Михайловский хăйне çак ĕçрен хăтарма ыйтса çырнине партин Генеральнăй канашĕн Президиумĕ тивĕçтернĕ, асăннă вырăна Чăваш Республикин пиллĕкмĕш суйлаври Патшалăх Канашĕн депутатне, парламентăн Патшалăх строительстви, вырăнти хăй тытăмлăх, регламент тата депутат этики енĕпе ĕçлекен комитечĕн председательне Николай Малова сĕннĕ. Регион политканашĕн январĕн 20-мĕшĕнче иртнĕ ларăвĕнче Николай Владимирович кандидатурине тĕплĕн тишкерсе çирĕплетнĕ. Николай Владимирович Михаил Алексеевича партин регионти организацине нумай çул тăрăшуллă ертсе пынăшăн тав тунă. Çĕнĕрен суйланă секретарь партин вырăнсенчи уйрăмĕсен ĕç-хĕлĕпе паллашма тытăннă. Ларура Раççей Президенчĕн суйлавĕнче партин шаннă çынни пулма Чăваш патшалăх ял хуçалăх академийĕн ректорне Николай Кириллова çирĕплетнĕ.