00:00 25 января 2012 г.
Чăвашпотребсоюзăн Вăрмар райповĕ ыркăмăллăх акцийĕсем сахал мар ирттерет. Вĕсенчен пĕри Раштаври «Ачасене - пылак çимĕç» мероприяти. Ку хутĕнче вĕсем Аслă Чакра вырнаçнă çул çитмен ачасемпе ĕçлекен реабилитаци центрĕ валли пылак çимĕçсем хатĕрлерĕç. Çамрăк ăрăва райпо правленийĕн председателĕ Е.Харитонова, кадрсем енĕпе ĕçлекен заместителĕ Н.Семенова пылак çимĕçсем парнелерĕç. Ачасем вĕсем килнишĕн чăннипех савăнчĕç, пĕрле алла-аллăн тытăнса, хаваслă юрăсем шăрантарса чăрăш тавра çаврăнчĕç.
Çакна палăртмалла: Вăрмар райповĕ йывăр лару-тăрура ÿсекен çемьери ачасене тимлĕх уйăрнипе пĕрлех райпо системинче тăрăшакансен ачисене те кашни çулах саламласа парнесем парать.