00:00 18 января 2012 г.
Чăваш Ен Пуçлăхĕ М.Игнатьев Чулхулара Раççей Президенчĕн федерацин Атăлçи округĕнчи полномочиллĕ представителĕпе паллаштарнипе çыхăннă церемоние хутшăннă. Унта регионсен, федерацин округри тытăмĕсен ертÿçисем пухăннă. М.Бабичпа РФ Президенчĕн Администрацийĕн Ертÿçи С.Иванов паллаштарнă.
Сергей Иванов Михаил Бабич çирĕп ыйтакан, яваплă, çĕршывăн тĕрлĕ регионĕнче ĕçленĕ май пысăк опытлă пулнине, Дума депутатне темиçе хут та суйланнине палăртнă.
Палăртни вырăнлă: округри регионсенчи ĕçлĕ çул çÿревĕсене М.Бабич Чăваш Енрен пуçланă, январĕн 5-мĕшĕнче республикăри сывлăх сыхлавĕпе строительство объекчĕсене çитсе курнă.