00:00 02 января 2012 г.
Çак ятпа Вăрмарти тĕп площадьре Хĕл Мучисемпе Юр пикесен конкурсĕ иртнĕ. Ăна кашни çулах районти Культура ĕçченĕсем хула, ял тăрăхĕсенче Çĕнĕ çула кĕтсе илме мĕнле хатĕрленнине пахалас тĕлĕшпе ирттереççĕ.
Кунта пухăннисене Çĕнĕ çулпа тата ун ячĕпе иртекен конкурспа саламласа район администрацийĕн пуçлăхĕ - вĕрентÿпе çамрăксен политикин пайĕн начальникĕ Ю.Соколов, культура пайĕн начальникĕ И.Дмитриева, Вăрмар хула тăрăхĕн администрацийĕн пуçлăхĕ В.Иванов сăмах каланă. Конкурс пуçланиччен «Березка» ача-пăча садне çÿрекенсем юмахри сăнарсемпе выляса парнесем илме те тивĕçнĕ.
Хĕл Мучисемпе Юр пикесен чылай йывăр тĕрĕслев витĕр тухма тивнĕ. Саламлама, юрлама, вăйăсем ирттерме, тупмалли юмахсене хивре пама пĕлнине тĕрĕсленĕ. Тăхăр номинацире хакланă вĕсен пултарулăхне. «2011 çулхи Хĕл Мучи» ята Пысăк Енккассисем тивĕçнĕ, «2011 çулхи Юр пике» вара Арапуç ял тăрăхĕнчен.