00:00 15 декабря 2011 г.
Федераци Канашĕн Конституци саккунĕсем кăларас, право тата суд ыйтăвĕсем, граждан обществине аталантарас енĕпе ĕçлекен комитечĕн председательне, Социаллă пурнăçпа экономика тата политика тĕпчевĕсен институчĕн ертÿçине Н.Федорова Раççей Президенчĕн кандидачĕн В.Путинăн суйлав умĕнхи штабĕн йышне кĕртнĕ.
«Николай Васильевич Федоров - Халăх программин авторĕ, ăна хатĕрлес тĕлĕшпе вăл тата хăй явăçтарнă ĕçтешĕсем ĕçлерĕç, унсăр пуçне Николай Васильевич Атăлçи наци республикинсенчен пĕрне - Чăваш Ене - чылай вăхăт ертсе пычĕ. Манăн шухăшпа, çакă питĕ пĕлтерĕшлĕ. Раççей Федерацийĕ - нумай нациллĕ çĕршыв, пĕрлешÿллĕ патшалăх, Николай Васильевичăн ку енĕпе опычĕ пысăк, çавăнпа ку опытпа усă курни тĕрĕс пулĕччĕ», - тенĕ В.Путинăн РФ Правительствин официаллă сайтĕнче вырнаçтарнă ум сăмахĕн стенограмминче.
Раççей Правительстивин ертÿçи палăртнă тăрăх, унăн суйлав умĕнхи штабĕнче тĕп вырăнта уççăнлăх пулĕ. Çак штаб Пĕтĕм Раççейри халăх фрончĕн - «тĕрлĕ çынна, çитменнине политика тĕрлĕ шухăшлавĕллĕ çынсене, анчах пирĕн патшалăхăн аталанăвĕн çул-йĕрне пĕрешкел куракансене, пĕрлештерекен организаци» - никĕсĕ çинче йĕркеленет. В.Путинăн суйлав умĕнхи штабне Станислав Говорухин кинорежиссер тата общество деятелĕ ертсе пырать.