00:00 29 ноября 2011 г.
Район администрацийĕн пуçлăхĕн кубокне çĕнсе илессишĕн спортăн тĕрлĕ енĕсемпе ăмăртусем тăтăшах йĕркелеççĕ. Вăрмар хула тата ял тăрăхĕсен командисем вĕсене активлă хутшăнаççĕ. Ку хутĕнче 7 команда мини-футбол енĕпе тупăшрĕç: Вăрмар хула, Кивĕ Вăрмар, Арапуç, Энĕшпуç, Чулкас, Чупай, Аслă Чак ял тăрăхĕсенчен. Шăпа янă хыççăн чи малтанах тупăшăва Киввăрмарсемпе Чулкассем пуçларĕç. Унтан ыттисене черет çитрĕ.
Çивĕч кĕрешÿре район администрацийĕн пуçлăхĕн Кубокне Кивĕ Вăрмар ял тăрăхĕн команди çĕнсе илчĕ. Иккĕмĕш вырăна Энĕшпуç, виççĕмĕшне Чулкас ял тăрăхĕсен командисем тивĕçрĕç.