00:00 03 ноября 2011 г.
Район администрацийĕнче çул çитменнисемпе тата вĕсен прависене хÿтĕлес енĕпе ĕçлекен комиссин черетлĕ ларăвĕ иртнĕ. Ăна райадминистрацин пуçлăхĕн çумĕ Ю.Соколов ертсе пынă. Ларура вĕрентÿпе çамрăксен политикин пайĕ çумĕнчи Диагностикăпа консультаци центрĕ çул çитменнисем хушшинче право йĕркине пăсассине асăрхаттарас енĕпе мĕнле ĕçлени çинчен Т.Ананьева каласа панă. Ларура Вăрмар поселокĕнче, Ямпай, Энĕшпуç, Кĕтеснер, Саруй, Чулкас ялĕсенчи хăш-пĕр пурăнакансем пирки темиçе административлă ĕç пăхса тухнă. Хăйсен тивĕçĕсене йĕркеллĕ пурнăçламан ашшĕ-амăшне, иртĕхсе çÿренĕ пуçтах ачасене тата чукун çул çинче йĕркене пăснă çул çитменнисене административлă йĕркене пăсни çинчен калакан кодекспа килĕшÿллĕн айăпланă.