00:00 03 ноября 2011 г.
Чăваш Республикин Тĕп суйлав комиссийĕнче регистрациленнĕ партисем республикăн Патшалăх Канашĕн суйлав бюллетенĕнче хăш номерпе пулмаллине шăпа янă. Ăна партисен регион уйрăмĕсен представителĕсем хутшăннипе тата вĕсем номерсене хăйсем туртса кăларнă йĕркепе ирттернĕ. Шăпа янин пĕтĕмлетĕвĕпе 2011 çулхи декабрĕн 4-мĕшĕнчи Чăваш Республикин Патшалăх Канашĕн суйлав бюллетенĕнче партисем çак йĕркепе вырнаçĕç:
1. «Единая Россия» политика партийĕн Чăваш регион уйрăмĕ.
2. «Раççей патриочĕсем» политика партийĕн Чăваш регион уйрăмĕ.
3. «Тĕрĕслĕхшĕн тăракан Раççей» политика партийĕн Чăваш регион уйрăмĕ.
4. Раççейри либерал-демократсен политика партийĕн Чăваш регион уйрăмĕ.
5. Раççейри коммунистсен политика партийĕн Чăваш регион уйрăмĕ.