00:00 25 октября 2011 г.
Вĕсемпе пĕрлех - территори тата участокри суйлав комиссийĕсен секретарĕсемпе бухгалтерĕсем те. Нумаях пулмасть пурте Шупашкарта ирттернĕ пĕр кунлăх курсра пулнă. Малтанах Тĕп суйлав комиссийĕн (ТСК) ертÿçи А.Цветков суйлав умĕнхи тĕп ыйтусемпе тĕплĕн паллаштарнă, асăннă кампани мĕнле пыни çинче чарăнса тăнă.
ТСК секретарĕ С.Тарасов Чăваш Республикин Патшалăх Канашĕн депутачĕсен кандидачĕсене регистрациленипе, йĕркелÿпе право пайĕн консультанчĕ О.Моторина пĕрлехи суйлав вăхăтĕнче участокри комиссисене йĕркелессипе тата вĕсен тивĕçĕсемпе паллаштарнă. Ун хыççăн территорири суйлав комиссийĕсен председателĕсемпе секретарĕсем, бухгалтерсем секцисенче ĕçленĕ. Кунта кандидатсене пичет страницисенче тÿлевсĕр калăпăш, агитаци ирттерме уйрăм пÿлĕмсем уйăрассине, кандидатсене регистрациленĕ документсене йышăнассине, вĕсене архива пама хатĕрлессине, суйлав кампанине укçа-тенкĕпе мĕнле тивĕçтерессине тишкернĕ. Пурне те суйлав тематикипе çыхăннă литература панă.