00:00 25 октября 2011 г.
Чăваш Республикин пиллĕкмĕш суйлаври Патшалăх Канашĕн депутачĕн мандачĕшĕн кĕрешекенсен йышĕнче кам ытларах пулнипе кăсăкланакана çапла пĕлтеретпĕр: ытларах - арçынсем. Списокăн 82,7 процентне пĕрлехи округпа (ПО) - 81,5 процент, пĕр мандатлă округпа (ПМО) - 90,8 процент) вĕсем йышăнаççĕ. Кандидатсенчен пысăк пайĕ - 50 çултан пуçласа 59 çултисем - 27,3 процент (ПО - 28,4 процент, ПМО - 30,7 процент), 76,4 проценчĕ - аслă пĕлÿллĕ (ПО - 76,8 процент, ПМО - 80,4 процент). 30,7 проценчĕ - финанс сферипе экономика отраслĕнче ĕçлекенсем (ПО - 31,2 процент, ПМО - 33 процент). «Служащи» текен сий - 69,4 процент (ПО - 69 процент, ПМО - 72, 5 процент).
Кама суйласси вара унăн аллинче, вăл суйлав тунинче.