00:00 25 октября 2011 г.
Чăваш Ен Президенчĕ М.Игнатьев Федераци канзначействин ертÿçин çумĕпе В.Смирновпа тата РФ Финанс министерствин информаци ресурсĕсен департаменчĕн пуçлăхĕпе Е.Черняковапа ĕçлĕ тĕл пулу ирттернĕ.
Мускав хăнисем Шупашкарта «Электрон бюджет» общество финанс тытăмне туса хурассипе тата ăна аталантарассипе çыхăннă ыйтусене сÿтсе явнă.
Елена Чернякова палăртнă тăрăх - «Электрон бюджет» тытăмĕн элеменчĕсене Тутарстанра тата Пермь крайĕнче ĕçе кĕртме палăртнă. Чăваш Ен ку тĕлĕшпе виççĕмĕш регион пулĕ.
«Чăваш Ен пилот проекчĕсене пурнăçа кĕртес тĕлĕшпе яланах питĕ ăнăçлă ĕçленĕ. Пирĕн «Электрон бюджет» проекта хутшăнмашкăн кăмăл пысăк. Информаци технологийĕсене аталантарас енĕпе кая юлсан ыттисене хуса çитме йывăр пулĕ», - тенĕ Чăваш Ен Президенчĕ.