00:00 04 октября 2011 г.
Районта ăнăçсăр çемьесем те пур. Ятарлă инстанцисем вĕсем мĕнле пурăннине яланах тĕрĕслесе тăраççĕ. Специалистсем иртнĕ уйăхра та темиçе ялта пулса курнă.
Район администрацийĕн опекăпа попечительство енĕпе ĕçлекен тĕп специалист-эксперчĕ Н.Борисова, çул çитменнисемпе тата вĕсен прависене хÿтĕлес енĕпе ĕçлекен комиссин секретарĕ Е.Казакова, ШĔМĕн муниципалитетсем хушшинчи «Урмарский» уйрăмĕн çул çитменнисемпе ĕçлекен инспекторĕ В.Ананьева Пысăк Енккасси, Кавал, Энĕшпуç ял тăрăхĕсенче пулса вырăнти администрацин специалисчĕсемпе пĕрле рейдсем ирттернĕ. Вĕсем опекăна илнĕ, ăнăçсăр тата нумай ачаллă çемьесенче пулса пурнăç шайĕпе паллашнă.
Рейд вăхăтĕнче вĕсем ашшĕ-амăшĕпе курса калаçнă, хăйсен тивĕçĕсене йĕркеллĕ пурнăçламалли çинчен асăрхаттарнă, çул çитмен ачасем çак çемьесенче мĕнле пурăннине сăнанă, кил-çурт условийĕсем тăрăх актсем çырнă.