00:00 09 сентября 2011 г.
Паянхи пурнăçра мобильлĕ çыхăнăвăн пĕлтерĕшĕ каламасăрах паллă. Çак системăн тĕрлĕ операторĕсем анлă енлĕн ĕçлеççĕ, шанăçлă çыхăну йĕркелеççĕ. Республикăри Гражданла оборонăпа чрезвычайлă лару-тăру енĕпе ĕçлекен патшалăх комитечĕн «01» пĕрлĕхлĕ дежурствăпа диспетчер служби пушар хăрушсăрлăхĕ чрезвычайлă лару-тăру е урăх синкер сиксе тухас пулсан станционарлă телефонсем урлă шăнкăравлама май пуррине пĕлтерет.
Сирпĕтекен е иккĕленÿ çуратакан япаласене, чылайранпа пĕр вырăнта ларакан автомашинăсене курсан «Билайн», «Мегафон», «МТС», «НСС», «СМАРТС» операторĕсем урлă пушар хуралне 010, полицие 020, васкавлă пулăшăва 030, газ службине 040, хăтару службине 112 номерсемпе шăнкăравламалла. Телефон çинче SIM карта çук пулсан «112» номерпа шăнкăравлама пултаратăр.