00:00 06 сентября 2011 г.
Ученăйсен пĕр ушкăнĕ хăй вăхăтĕнче Шупашкар ГЭСĕн шыв шайне 63 метра çитерессине хирĕç пулнă. Раççей Правительстви пĕлтĕр ăна 68 метр таран хăпартас ыйтăва тĕпчеме хушнă. Самарти специалистсем ертсе пынипе Шупашкар управне пур енчен те, уйрăммăн илсен Атăл çыранĕн, гидросооруженисен, юхан шыв витĕмĕн лару-тăрăвне тĕпчеççĕ.
РФ Президенчĕ Д.Медведев Аçтăрхан хулинче иртнĕ уйăхра Атăл шыв хуçалăхне аталантарассипе çыхăннă ыйтупа канашлу ирттернĕ: «Анчах эпир «тенкел çинче» çулĕ-çулĕпе, вун-вун çул ларма пултаратпăр. Тата тахçантанпах ларатпăр. Сиенĕ - пĕтĕмпех Атăл малашне ăшăхланса пынинче. Эпир вара татăклă йышăну кăларайманнипе кăна çакăн çине пăхса тăратпăр. Шыв хуçалăхĕн агентствин позицийĕ пур, уйрăм регионсен позицийĕ пур. Пĕр чĕлхе тупмалла», - тенĕ Президент.