00:00 06 сентября 2011 г.
Вăрмарсен Шупашкарти ентешлĕхĕн Канашĕ çак кунсенче тĕп хулара пурăнакан вăрçă участникĕсене пухрĕ. Ăна иккĕмĕш тĕнче вăрçинче Çĕнтерÿ тунăранпа 66, Вăрмар районне йĕркеленĕренпе 84 çул çитнине халалланă. Уяв сĕтелĕ хушшине пухăннă вăрçă ветеранĕсем - М.Петров, Д.Егоров, С.Васильев, Н.Герасимов - хальхи ăрăва сывă пурнăç йĕркине тытса пыма, аслă ăрусен ырă йăлисене уяма, патриотизмла воспитани ĕçне çÿллĕ шайра тытса пыма суннă. Тыл ĕçченĕ А.Борцов аслă ăрури çынсем умĕнче пуç тайса вĕсен пархатарлă ĕçне малалла тăсма суннă. Района йĕркеленĕренпе 84 çул çитнĕ май ентешсене çирĕп сывлăх, çитĕнÿсем тума сĕннĕ. Çамрăксем ветерансене асăнмалăх парнесем панă.