00:00 30 августа 2011 г.
Çамрăксем хушшинче ырă, сывă пурнăç йĕркисене тытса пырас, физкультурăпа спорт ăмăртăвĕсене ытларах явăçтарас тĕллевпе пушара хирĕç кĕрешессипе ĕçлекен федераллă службăн Чăваш Республикинчи 9-мĕш отрячĕ йĕркеленипе Канаш хулинчи 15 номерлĕ пушар чаçĕн базинче мини-футболла выляс енĕпе ăмăрту иртнĕ. Унта Йĕпреç, Çĕрпÿ, Канаш, Куславкка, Сĕнтĕрвăрри, Вăрмар районĕсенчи пушар хуралĕн службин ĕçченĕсен командисем хутшăннă. 39 номерлĕ пушар чаçĕн командинчен Э.Мясников, Е.Тихонов, Н.Сергеев, В.Левин, С.Никитин, В.Федоров, Д.Григорьев, И.Григорьев мини-футболла выляса ытти районсене парăнтарма пултарнă, пĕрремĕш вырăн йышăннă.