00:00 26 августа 2011 г.
Раççей ял хуçалăх банкĕ уйрăм çынсем валли çĕнĕ потребитель кредичĕ хута янă. Тупăш çăл куçне документсемпе çирĕплетнĕ заемщик кредита кирек мĕнле тĕллевпе те, салуксăр тата поручительсĕр илме пултарать.
Кредита 3 çуллăха параççĕ. Укçапа тĕллевлĕ усă курнине те çирĕплетмелле мар. Унăн çулталăкри процент ставки 22 процент. Илме май пур чи пысăк хисеп - 750 пин тенкĕ. Кредитшăн комисси илмеççĕ, ăна пĕр пек пайласа тÿлесе пымалла. Заемщик парăмпа срокченех, пайăн-пайăн е туллин, хушма комиссисĕр, татăлма пултарать.
Çак кредита 21 çул тултарнă Раççей гражданĕсене параççĕ. Парăма арçынсен - 60, хĕрарăмсен 55 çула çитиччен парса татмалла. Заемщикăн юлашки ĕç вырăнĕнче ултă уйăхран кая мар вăй хумалла.